İran Prezidenti Səudiyyə Ərəbistanının vəliəhdi ilə danışığında vurğulayıb: Biz heç bir ölkə ilə müharibə aparmırıq, lakin özümüzü müdafiə etməkdə heç bir şübhəmiz yoxdur və bu sahədə hazırlığımız və imkanlarımız ən yüksək səviyyədədir.
Az.rasthaber.comxəbər verir ki, 2025-ci il aprelin 3-ü, cümə axşamı gecəsi Səudiyyə Ərəbistanının vəliəhdi Məhəmməd bin Salman Əl Səud ilə telefon danışığında onu, kralı və ölkəsinin xalqını Fitr bayramı münasibətilə təbrik edərkən, Məsud Pezeşkiyan müqəddəs Ramazan ayını müsəlmanların ortaq cəhətlərini, o cümlədən, müsəlmanların dövləti və bu müqəddəs bayramı xatırlamaq üçün bir fürsət hesab etdi: İslam ölkələri bu ortaq cəhətlərə arxalanaraq, öz aralarında vəhdət və birliyi gücləndirməklə özləri və region üçün ən yüksək səviyyədə sülh, təhlükəsizlik və tərəqqi təmin edə bilərlər.
Müsəlmanların əl-ələ verdikləri təqdirdə bəzi İslam ölkələrinə, o cümlədən Fələstinə və Qəzza xalqına qarşı vəhşiliklərin qarşısını ala biləcəklərini bildirən İran prezidenti əlavə edib: Əminəm ki, İslam ölkələri bir-biri ilə əməkdaşlıq edərək regiona ən yaxşı şəkildə təhlükəsizlik və rifah gətirə biləcəklər. Pezeşkiyan Səudiyyə vəliəhdinin müsəlman ölkələri və regional qonşularının əməkdaşlığı və inteqrasiyası ilə bağlı söz və fikirlərini yüksək qiymətləndirərək, bu məsələyə aydınlıq gətirdi: İslam ölkələri bir-biri ilə əl-ələ versələr, sionist rejimin məzlum Qəzzə xalqına qarşı cinayətlərini dayandıra, sabitlik və sülhün bərqərar olmasına və regionun rifahı istiqamətində mümkün qədər səy göstərə bilərlər.
İran Prezidenti Səudiyyə Ərəbistanı vəliəhdinin sözlərinin başqa bir hissəsinə işarə edərək dedi: İran İslam Respublikası heç vaxt müharibə və münaqişə istəməyib və nüvə enerjisindən dinc olmayan məqsədlə istifadənin bizim təhlükəsizlik və müdafiə doktrinamızda yeri yoxdur. İran İslam Respublikasının nüvə fəaliyyətləri bütün əvvəlki illərdə olduğu kimi tam şəkildə yoxlanılması mümkündür.
Pezeşkiyan davam etdi: İran İslam Respublikası bəzi gərginliklərin həlli sahəsində qarşılıqlı maraq və hörmət əsasında qarşılıqlı fəaliyyət və dialoqa hazırdır. Biz heç bir ölkə ilə müharibə aparmırıq, lakin özümüzü müdafiə etməkdə tərəddüd etməyəcəyik və bu sahədə hazırlığımız, imkanlarımız ən yüksək səviyyədədir.
Bu telefon danışığında Səudiyyə Ərəbistanının Vəliəhdi də İran prezidentini və xalqını Ramazan bayramı münasibətilə təbrik edib və müsəlman ölkələri arasında birliyin gücləndirilməsi sahəsində Pezeşkiyana yanaşma və mövqelərinə görə təşəkkürünü bildirib.
Bölgədəki və İslam ölkələrindəki vəziyyətin təhlilini edən Məhəmməd bin Salman Ali Səud qeyd edib ki, İran, Səudiyyə Ərəbistanı və regionun digər ölkələri arasında əməkdaşlıq sabitliyin möhkəmlənməsinə və sülhün bərqərar olmasına səmərəli kömək edə bilər. Səudiyyə Ərəbistanı regionda istənilən gərginliyin və təhlükəsizliyin aradan qaldırılmasında rol oynamağa hazırdır.
