İran Prezidenti Qəzzənin məzlum qadın və uşaqlarına qarşı soyqırım və qətliamları, region ölkələrində törədilən qorxaqcasına terror aktlarını, qaçqınların sığındığı xəstəxana və məktəblərə hücumu sionist rejimin cinayət əməllərini bir hissəsi hesab edərək deyib: “Tam inamsızlıq və təəssüflə, aradan 10 ay keçməsinə baxmayaraq, nəinki xalqların bu rejimi Qəzzədə misli görünməmiş cinayət və qətli dayandırmağa məcbur edəcəyi gözləntiləri cavabsız qalıb, üstəlik, Amerika və bəzi qərb ölkələri öz dəstəyi ilə, həmçinin beynəlxalq təşkilatlar öz susqunluğu və passivliyi ilə sionist rejimi bu cinayəti, soyqırımı və terroru törətməyə təşviq ediblər.”

Pezeşkiyan İran İslam Respublikasının müharibə və qan tökülməsini sevməmək və bunun qarşısını almaqda, habelə qlobal sülh və təhlükəsizliyin təşviqində əsas mövqelərini vurğulayıb, sionist rejimin qadın və uşaqları qətlə yetirməsi, xəstəxana və məktəblərə hücumu ilə bağlı hərəkətlərini, həmçinin bu rejimin ölkəmizin qonağına sui-qəsd təşkil edən cinayət əməlini bütün humanist və hüquqi prinsiplərə zidd hesab edərək deyib: “Bütün beynəlxalq qayda-qanunlara əsasən, təcavüzə məruz qalan ölkənin özünü müdafiə və təcavüzkara cavab vermək hüququ vardır.”