ABŞ Müdafiə Nazirliyi (Pentaqon) Həşd əş-Şabiyə bağlı Nücəba Hərəkatının liderlərindən Əbu Təqva əl-Səidinin İraqın paytaxtı Bağdadda həyata keçirilən hava hücumunda hədəf alındığını açıqlayıb.

Az.rasthaber.com xəbər verir ki, Pentaqonun sözçüsü briqada generalı Patrik Rayder gündəlik mətbuat konfransında Əbu Təqva əl-Səidinin bölgədəki ABŞ hərbçilərinə qarşı hücumları aktiv şəkildə planlaşdırdığını və istiqamətləndirdiyini müdafiə edib.

Rayder, Əl-Səidinin İraq və Suriyadakı ABŞ əsgərlərinin təhlükəsizliyinə təhdid olaraq görüldüyünü və ABŞ-ın müvafiq hava hücumunda onun köməkçilərindən birinin də hədəf alındığını bildirib.

Hücumun təfərrüatları və İraq hökumətinin əvvəlcədən xəbərdar olub-olmaması ilə bağlı şərh verməkdən çəkinən Rayder, "Özümüzü müdafiə haqqımızı həmişə özümüzdə saxlayırıq və şəxsi heyətimizi qorumaq üçün lazımi tədbirləri görürük" deyib.