Pakistanın paytaxtı İslamabadda partlayıcı quraşdırılmış avtomobilin partlaması nəticəsində azı bir polis əməkdaşı ölüb, dördü isə yaralanıb.

Az.rasthaber.com "APA"ya istinadən xəbər verir ki, Pakistanın “Geo TV” kanalının saytı bildirib.

Yerli polis idarəsindən verilən məlumata görə, polis avtomobili yoxlamaq üçün saxladıqdan sonra partlayış baş verib.

Hadisənin terror aktı olması barədə polis hər hansı bir açıqlama verməyib, hazırda hadisə yerində olan müvafiq qurumlar təxirəsalınmaz tədbirlər həyata keçirir.