Yəmənin Ənsarullah Hərəkatı Trampın Qəzza zolağına səfərinin ancaq bölgədə təhlükəsizliyin təmin olunduğu təqdirdə təhlükəsiz olacağını bildirib.

Az.rasthaber.com xəbər verir ki, Ənsarullah hərəkatının siyasi bürosunun üzvü Hazem əl-Əsəd ABŞ prezidenti Donald Trampın Qəzza zolağına səfərinin ancaq bölgədə təhlükəsizliyin təmin olunması ilə mümkün olacağını bildirərək, "Qəzzada təhlükəsizlik təmin edilmədikcə Trampın səfəri təhlükəsiz olmayacaq" dedi.

Fələstinin Şahab xəbər agentliyinə danışan Əsəd, "Qəzzada təhlükəsizlik təmin edilmədikcə, ABŞ prezidentinin səfəri təhlükəsiz olmayacaq" deyib.

Əsəd həmçinin Qəzza zolağında atəşkəsin yaradılmasının bütün Yaxın Şərq regionunun sülhü üçün kritik əhəmiyyət daşıdığını vurğulayıb və aşağıdakı bəyanatları verib:

"Qəzza sakitləşməyənə qədər bölgə sakitləşməyəcək. Nə qədər ki, Qəzza zolağında təhlükəsizlik təmin olunmayıb, Aralıq dənizi və Qırmızı dənizdə təhlükəsizlik təmin oluna bilməz".

Tramp daha əvvəl demişdi ki, ABŞ Qəzza zolağına “nəzarəti ələ keçirəcək”, ərazinin yenidən qurulmasına cavabdeh olacaq və onu dünya üçün “Yaxın Şərq rivierası”na çevirəcək. Tramp həmçinin Qəzzanı “məhv zonası” olaraq xarakterizə edib və bölgə sakinlərinin İordaniya və ya Misiri təklif edərək daimi olaraq başqa ölkələrə getməli olduğunu bildirib. ABŞ-ın Qəzzaya əsgər göndərmə ehtimalını istisna etməyən Tramp Qəzzaya şəxsən səfər edəcəyinə də söz verib.