İşğalçı İsrail ordusunun verdiyi açıqlamaya görə, Yəməndən atılan ballistik raketin qarşısı alınıb.

Az.rasthaber.com xəbər verir ki, sionist İsrail ordusu Yəməndən İsrailə atılan ballistik raketin ölkə səmasında hava hücumundan müdafiə sistemləri ilə qarşısının alındığını açıqlayıb.

Sionist rejim ordusunun verdiyi yazılı açıqlamada bildirilib:

Yəməndən atılan raket Arrow Hava Hücumundan Müdafiə Sistemi tərəfindən uğurla qarşılanıb.

İşğalçı ordu ölkənin hansı bölgəsində raketin bloklandığı barədə məlumat verməsə də, raketin atılması səbəbindən sirenlərin işə düşdüyü qeyd edilib.

Yerli mətbuatda yer alan xəbərlərdə Yəmənin Ənsarullah hərəkatı tərəfindən buraxılan ballistik raketin sionist İsrailin paytaxtı Təl-Əviv və onun ətrafını hədəfə aldığına işarə edilir. Hava hücumundan müdafiə sisteminin mərkəzi bölgə səmasında raketin qarşısını aldığı vurğulanıb.