Yəməndə Ənsarullah hərəkatının ali siyasi şurasının üzvü Ali-Səud rejimini ABŞ-ın Əfqanıstandakı məğlubiyyətindən ibrət dərsi almağa səsləyib

Rasthaber Azərbaycan İran mediasına istinadən xəbər verir ki, Məhəmməd Əli Əlhusi öz tvittində yazıb: Hücumçu və təcavüzkar ordular üçün nə qədər pulun xərclənməsi bir yana qalsın, onların taleyi uğursuzluğa məhkumdur.

«Səud rejimi Amerikanın Əfqanıstandan çıxmasını və bu ölkədə baş verən hadisələri yaxşı şəkildə dərk etməli və ondan ibrət dərsi almalıdır.»- deyən Əlhusi bildirib: Ali-Səud rejiminin Amerika ilə birliyi Amerika və Avropa ölkələrinin Əfqanıstandakı birliyindən güclü deyil və onun muzdurları, yəni Yəmənin istefa vermiş hökuməti Yəmən xalqından güclü deyildir.

Əlhusi həmçinin vurğulayıb ki, Yəmən əzmkarlıq və imanla qələbəyə doğru hərəkət edir.