Yəmənin Ənsarullah Hərəkatının Siyasi İdarəsinin üzvü Yəmən qüvvələrinin Qırmızı dəniz və Məkran dənizində hərbi əməliyyatlarının yalnız İsrail gəmilərinə qarşı olduğunu vurğulayıb.
Az.rasthaber.com xəbər verir ki, Yəmənin Ənsarullah hərəkatının siyasi ofisinin üzvü Məhəmməd əl-Bəhti Yəmən qüvvələrinin Qırmızı dəniz və Məkran dənizində hərbi əməliyyatlarının humanitar və mənəvi məqsədlər daşıdığını bildirib.
Məhəmməd əl-Bahti bu açıqlamaları verib: “Qırmızı dəniz və Makran dənizindəki hərbi əməliyyatlarımız yalnız İsrail gəmilərini hədəf alır.
İşğalçı rejimə qarşı hərbi əməliyyatlarımız bu rejimin fələstinlilərə qarşı törətdiyi cinayətlər və qətllər bitənə qədər davam edəcək və genişlənəcək.
Əgər ölkələr Qəzzada soyqırımı dayandırmaq üçün öz humanitar vəzifələrini yerinə yetirməyiblərsə, onlara bu cinayətləri və qətlləri törədənlərə dəstək verməməyi tövsiyə edirik”.
Yəmən Sahil Mühafizəsi Komandanı Məhəmməd Əli Kadri daha əvvəl demişdi: “İsrailin Qəzza zolağındakı qardaşlarımıza qarşı hücumları bitənə qədər İsrail gəmilərinin Qırmızı dənizə və Makran dənizinə girməsinə icazə verməyəcəyik.
“Bizim ərazi sularımız sionist düşmən gəmiləri üçün məzar olacaq”.
