Ənsarullah sionist İsrailin cənubundakı Nevatim Hava Bazasını "hipersonik ballistik raket"lə hədəf aldıqlarını açıqlayıb.

Az.rasthaber.com xəbər verir ki, Yəmən Ənsarullah Hərəkatının Hərbi sözçüsü Yəhya Seri sosial media hesabından video açıqlamada məsələ ilə bağlı məlumat verib.

Sionist İsrailin cənubundakı Negev bölgəsindəki Nevatim Hərbi Hava Bazasını "Fələstin 2" adlı hipersəs ballistik raketlə hədəfə alan "ixtisaslı hərbi əməliyyat" həyata keçirdiklərini bildirən Seri, ballistik raketin birbaşa hədəfini vurduğunu bildirib.

Seri təkrar edib: Ənsarullahın sionist İsrailə qarşı hücumları Qəzza zolağındakı blokada aradan qaldırılana və Qəzza və Livandakı hücumlar dayandırılana qədər davam edəcək.

Sionist İsraildən hücumla bağlı heç bir açıqlama verilməyib.

Ənsarullah sionist İsrailin Qəzzaya hücumlarına reaksiya olaraq 31 oktyabr 2023-cü il tarixindən etibarən Yəmən sahillərində İsrail şirkətlərinə bağlı olduğunu söylədiyi ticarət gəmilərini ələ keçirir və bəzilərinə pilotsuz uçuş aparatları və raketlərlə hücum edir. .