Nigeriyada "Boko Haram" terror təşkilatına qarşı keçirilən əməliyyatlarda 58 terrorçu zərərsizləşdirilib.
Az.rasthaber.com xəbər verir ki, Nigeriya Müdafiə Nazirliyinin Media əməliyyatları direktoru Musa Danmadami verdiyi açıqlamada ordunun son iki həftədə Borno əyalətində terror təşkilatı Boko Haram üzvlərinə qarşı əməliyyatlar keçirdiyini bildirib.
Danmadami əməliyyatlarda 58 terrorçunun öldürüldüyünü, onlarla terrorçunun isə yaralanaraq qaçdığını qeyd edib.
Əməliyyatlar zamanı terrorçular tərəfindən girov götürülən 66 nəfərin xilas edildiyini qeyd edən Danmadami 876 terrorçunun orduya təslim olduğunu bildirib.
Əməliyyatlar zamanı terrorçuların sığınacaqlarının bombalandığını qeyd edən Danmadami, silah və sursatların da ələ keçirildiyi barədə məlumat paylaşıb.
Nigeriyada 2000-ci illərin əvvəllərindən 2009-cu ildən bəri mövcud olan Boko Haramın təşkil etdiyi kütləvi terror aktlarında 20 mindən çox insan həyatını itirib.
