Niderlandda rəqəmsal dərs vəsaitlərinin istehsalı ilə məşğul olan “Logo 3000” şirkətinin ibtidai sinif şagirdləri üçün hazırladığı islamofob tərkibli rəsmlər müsəlmanların etirazlarına səbəb olub.
Az.rasthaber.com AA-ya istinadla xəbər verir ki, sözügedən vəsaitdə şagirdlərə 4 rəsm təklif olunur və onlardan birinin digər 3-ü ilə ziddiyyət təşkil etdiyi üçün zibil qutusuna atmaq tapşırılır. Bu ziddiyyətlər sırasında isə ərəb dilində “Allah” yazısı və məscidlərin fotoları yer alıb.
Pandemiya dövründə dərslərin əsasən onlayn keçirildiyi nəzərə alınsa, o zaman sözügedən vəsaitdən 3-5-ci sinif şagirdlərinin intensiv şəkildə yararlandıqlarını söyləmək mümkündür.
Müsəlmanların ciddi etirazlarında sonra “Logo 3000” şirkəti baş verən narazılıqlara görə üzr istəmək məcburiyyətində qalıb. Bildirilib ki, “sistem xətası” artıq aradan qaldırılıb.