Sionist İsrailin baş naziri Benyamin Netanyahu İordaniyadan silah və insan qaçaqmalçılığının qarşısını almaq üçün sərhəddə divar tikməyi planlaşdırdığını bildirib.

Az.rasthaber.com xəbər verir ki, Netanyahu deyib:

"Biz çoxşaxəli münaqişənin ortasındayıq və bu halda İordaniya ilə şərq sərhədimizin təhlükəsizliyini təmin etməliyik. Bu, sülh sərhədidir və biz onu bu şəkildə saxlamaq üçün İordaniya ilə əməkdaşlıq edirik".

Biz burada qaçaqmalçılıq cəhdlərinə qarşı möhkəm divar çəkməyə çalışacağıq və bunu qonşularımızla koordinasiyada edirik.

Bu sərhədlərin sülh və təhlükəsizlik sərhədləri olaraq qalmasını təmin etmək bizim üçün vacibdir”.

Qatil İsrailin xarici işlər naziri Yisrael Katz avqustun 13-də İran İnqilab Keşikçiləri Korpusunun İordaniyaya və oradan İordaniyaya və oradan İordan çayının qərb sahilinə qaçaqmalçılıq yolu ilə silah və pul keçirmək üçün Livanda HƏMAS ilə əməkdaşlıq etdiyini iddia edərək, İordaniya ilə sərhəddə divarın sürətlə tikintisinə çağırmışdı.

İordaniyanın xarici işlər naziri Ayman əs-Safedi İsrail nazirinə aşağıdakı açıqlamalarla cavab verib:

"Ekstremist İsrail rəsmilərinin İordaniyanı hədəf alan yalan və uydurma iddiaları, İsrailin Qəzzaya hücumları, beynəlxalq hüquq və Fələstin xalqının hüquqlarını pozması İsrailin təhlükəsizlik və sabitlik üçün ən böyük təhdid olduğunu gizlədə bilməyəcək."