Məhərrəm ayının ilk ongünlüyündə Cəmkəran məscidində 160 min nəfərə ehsan yemək paylanılıb.

Az.rasthaber.com "İslamazeri.com"a istinadən xəbər verir ki, bu barədə Cəmkəran Məscidinin Zəvvarlara xidmət idarəsinin müavini İbrahim Sadiqi məlumat verib.

Məlumata görə, İmam Hüseynin (ə) matəm məclislərində iştirak etmək üçün bu məscidə gələn ziyarətçilərə ümumilikdə 200 mindən çox çay və 20 mindən çox şüşə qablarda olan su ehsan edilib.

Həmçinin, əzadarlıq məclislərində iştirak edən zəvvarlara 15 mindən çox pulsuz maska paylanıldığı da qeyd edilib.

Qeyd edək ki, İmam Zamanın (ə) göstərişi ilə inşa edilən müqəddəs Cəmkəran məscidi Xanım Məsumənin (s.ə) Qum şəhərində yerləşən hərəmindən 10 dəqiqəlik məsafədə yerləşir.