Ayətullah Xamenei şəhidlərin xatirəsinin anılmasının zəruri və təqdirəlayiq olduğunu vurğulayaraq hər kəs üçün bunu vəzifə adlandırıb

Rasthaber Azərbaycan xəbər verir ki, 16 dekabrda Hürmüzgan şəhidlərilə bağlı Ayətullah Xameneinin dedikləri Bəndər Abbasda keçirilən şəhidlərlə bağlı tədbirdə oxunub.

Oxunan mətndə, Ayətullah Xamenei əyalətin düşmənlə mübarizədə dərin keçmişə malik olduğunu bildirərək, şücaət və haqqı müdafiənin yerli xalq arasında böyük dəyərlərdən sayıldığını qeyd edib.

Ayətullah Xamenei hər şəhidin fədakarlıq və haqqı müdafiə uğrunda canını fəda etməyi təmsil etdiyini və bu dəyərli simvolları gənclərə tanıtmaq lazım olduğunu önə çəkərək “Qarşı nöqtədə bir cərəyan fəsad, dünyapərəstlik kimi  şeylərin təbliğatını aparır. Ancaq şəhidlərin parlaq simalarını tanıtmaq gəncləri onlara tərəf meylləndirəcək və onların yolundan getməyə yönəldəcəkdir.”, -deyə bildirib.