Məhəmməd Baqir Qalibaf yenidən İran parlamentinin sədri seçilib

Məhəmməd Baqir Qalibaf yenidən İran parlamentinin sədri seçilib

Məhəmməd Baqir Qalibaf səs çoxluğu ilə yenidən İran parlamentinin sədri seçilib.

Az.rasthaber “Report”a istinadən xəbər verir ki, mayın 23-də ölkənin qanunverici orqanının 11-ci çağırış üzrə 4-cü sessiyası keçirilib.

Toplantının gündəliyində parlamentin Rəyasət Heyətinin üzvlərinin seçilməsi məsələsi olub. Rəyasət Heyəti isə yeni sədri seçib.

M.Qalibafın lehinə 210 deputat səs verib. Bununla o, 4-cü dəfə parlamentə sədr seçilib. Onun alternativləri İlyas Nadran 47, Fereydun Abbasi isə 7 səs qazanıb.

Qeyd edək ki, M.Qalibaf 1961-ci il avqustun 23-də İranın Xorasan əyalətinin Torkabe şəhərində anadan olub. 1997-2000-ci illərdə Sepahın Hərbi Hava Qüvvələrinin komandanı olub. 2000-2005-ci illərdə İran polisinin rəisi, 2005-2017-ci illərdə Tehranın meri işləyib. 2020-ci ilin parlament seçkilərində quruma sədr seçilib.

Qeyd edək ki, İran parlamentinin 290 üzvü var.

Xəbəri paylaş

VİDEOLAR