Bu barədə “Bakı metropoliteni” QSC məlumat verib.

Az.shafaqna.com xəbər verir ki, “Bakı metropoliteni” QSC-nin “Xocəsən” deposunu “Avtovağzal” stansiyası ilə birləşdirən tunellərdə qazıntı işləri başa çatıb.

QSC-dən verilən məlumata görə, hazırda sağ tunelin yolu hazırdır, sol tuneldə isə yol-tikinti işləri davam edir.

QSC-dən bildirilib ki, pandemiya şəraitinin xüsusi tələblərinə baxmayaraq, işlər öz axarı ilə davam etdirilir.

Qeyd edək ki, şərti adı “B-3” olan Bənövşəyi xəttin Xocəsən qəsəbəsində inşa olunan deposunda müasir sistemlərin qurulması Fransanın “Thales” şirkəti tərəfindən həyata keçiriləcək.