Livan parlamentinin sədri HƏMAS-ın siyasi ofisinin rəhbərinin müavini ilə görüşündə sionist rejimin Qəzza zolağındakı cinayətlərini pisləyib və vurğulayıb: “Əqsa tufanı əməliyyatı işğalçıların üzünə böyük və sərt bir sillə idi.
Az.rasthaber.com xəbər verir ki, dünən HƏMAS-ın siyasi ofisinin rəis müavini Salih əl-Arurinin başçılıq etdiyi nümayəndə heyəti Beyrutda Livan parlamentinin sədri Nəbih Berri ilə görüşüb.
Saleh əl-Aruri işğalçıların hücumlarına qarşı Fələstini dəstəkləməkdə tutduğu mövqeyə görə Nəbih Berriyə təşəkkür edib və bu açıqlamaları verib:
“Əqsa tufanı əməliyyatı sionist rejim ordusunun məğlubedilməzliyi mifini məhv etdi.
İşğalçı rejim öz cinayətlərini və tarixi uğursuzluğunu ört-basdır etməyə çalışır. Bütün dünya ölkələri sionistlərin hücumlarına qarşı durmalı və humanitar yardım karvanlarının Qəzza zolağına daxil olması üçün ciddi addımlar atmalıdır.
Müqavimət düşmənlə mübarizədə təşəbbüsü əlində saxlayır və məqsədlərinə çatmaqdan heç vaxt vaz keçməyəcək”.
Digər tərəfdən, Nebih Berri də bu açıqlamaları verib:
"7 oktyabrda (Əqsa tufanı əməliyyatı) baş verənlər işğalçıların üzünə sərt sillə idi. Fələstin xalqını və işğalçı rejim ordusuna tarixi məğlubiyyət verən qəhrəmancasına müqaviməti salamlayırıq”.
Nəbih Berri sionist rejimin Qəzza zolağındakı hərbi cinayətlərini pisləyib və bütün ölkələr və parlamentləri işğalçıların cinayətləri və qətllərinin dayandırılması üçün təcili və ciddi addımlar atmağa çağırıb.
Bu görüşdə HƏMAS hərəkatının siyasi bürosunun üzvü Qazi Məhəmməd, HƏMAS-ın beynəlxalq milli əlaqələr bölməsinin rəhbəri Əli Barakə və HƏMAS-ın Livandakı nümayəndəsi Dr. Əhməd Əbdülhadi və Əməl Hərəkatının Fələstin Əlaqələri Məsələləri üzrə məsul Hacı Məhəmməd əl-Cəvabi də iştirak ediblər.
Saleh əl-Aruri Livan parlamentinin sədri ilə görüşündə, HƏMAS-ın hərbi qanadı İzzəddin əl-Qəssam briqadalarının oktyabrın 7-də başlatdığı Əl-Əqsa tufanı əməliyyatının İşğalçıların Məscidül-Əqsaya, Fələstinli məhbuslara və bütün Fələstin xalqına qarşı cinayətləri və hücumları, prosesi izah edib.
