Birlǝşmiş Әrǝb Әmirliklǝrinin xarici işlǝr vǝ beynǝlxalq ǝmǝkdaşlıq mǝsǝlǝlǝri üzrǝ naziri Abdullah bin Zayid Әl Nahyan vǝ israilli hǝmkarı Qabi Aşkenazi arasında telefon danışığı olub.

Avqustun 13-dǝ iki ölkǝ arasında imzananan müqavilǝdǝn sonra xarici işlǝr nazirlǝri ilk dǝfǝ telefon ǝlaqǝsi saxlayıblar.

Rasthaber Azərbaycan TRT-yə istinadən xəbər verir ki, Birlǝşmiş Әrǝb Әmirliklǝrinin WAM xǝbǝr agentliyinin mǝlumatına ǝsasǝn, nazirlǝr söhbǝt zamanı iki ölkǝ arasında ǝldǝ olunan müqavilǝ münasibǝtilǝ bir-birlǝrini tǝbrik ediblǝr.

Tǝrǝflǝr regional sülh vǝ inkişafın tǝmin edilmǝsi üçün sözügedǝn müqavilǝnin hǝyata keçirilmǝsi mǝsǝlǝsindǝ qǝtiyyǝtli olduqlarını vurğulayıblar.

Qeyd edǝk ki, Amerika Birlǝşmiş Ştatları prezidenti Donald Tramp avqustun 13-dǝ İsrail ilǝ Birlǝşmiş Әrǝb Әmirliklǝri arasındaki münasibǝtlǝrin normallaşmasına dair müqavilǝnin bağlandığını açıqlamışdı.