İsrailin Qəzzaya təşkil etdiyi hücumlarda ölənlərin sayı son 24 saatda 241 nəfər artaraq 20 915-ə çatıb, 54 918 nəfər isə yaralanıb.

Az.rasthaber.com xəbər verir ki, İsrail ordusu son 24 saat ərzində Qəzzada 100-dən çox yerə döyüş təyyarələri ilə hücum edib. Bölgənin cənubundakı Xan Yunisdə iki ev bombalanıb. Hücumlarda çox sayda ölən və yaralananın olduğu açıqlanıb. Xan Yunisdəki Nasser xəstəxanasının ətrafını da vuran İsrail ordusu şəhər mərkəzini hədəf almağa davam edib.
Rəfah şəhərində də bir ev bombalanıb.
Hücum nəticəsində azı 2 nəfər ölüb, çox sayda insan yaralanıb. İsrail ordusu Qəzzanın mərkəzi hissəsində yerləşən Bureyc qaçqın düşərgəsinə də ağır zərbələr endirib.
İsrail dənizdən də hücum edir.
Döyüş gəmiləri Nuseyrat qaçqın düşərgəsinin qərbinə hücum edib. Qəzzada son 24 saat ərzində həyata keçirilən hücumlarda 241 fələstinli ölüb, 382 nəfər yaralanıb.
İsrail ordusu ilə fələstinli qruplar arasında toqquşmalar davam edir.
Münaqişənin görüntülərini ''Həmas''ın hərbi qanadı Əl-Qəssam Briqadaları paylaşıb.
Oktyabrın 7-dən bu yana öldürülən İsrail əsgərlərinin sayı 491-ə yüksəlib.