Qəzza zolağının mərkəzi hissəsində yerləşən Əl-Məqazi Qaçqınlar Düşərgəsindəki bələdiyyə ümumi xidmətləri binasının sionist İsrail döyüş təyyarələri tərəfindən birbaşa bombalanması nəticəsində Əl-Meqazi bələdiyyə sədri Hatim Salih əl-Qamri və çoxlu sayda fələstinlinin şəhid olduğu bildirilib.
Az.rasthaber.com xəbər verir ki, sionist İsrail Qəzzaya hücumu zamanı bir bələdiyyə sədrini və çoxlu sayda fələstinlini öldürüb
Qəzza hökumətinin mətbuat idarəsi tərəfindən verilən açıqlamada sionist İsrail döyüş təyyarələrinin Əl-Meqazi Qaçqınlar Düşərgəsindəki bələdiyyə ümumi xidmət binasını birbaşa hədəfə aldığı qeyd edilib.
Açıqlamada, hücum nəticəsində bələdiyyə sədri Qəmri də daxil olmaqla çoxlu sayda fələstinlinin şəhid olduğu, çoxlu sayda insanın yaralandığı bildirilib.
Hökumətin bəyanatında şəhidlərin yaxınlarına başsağlığı verilib, yaralananların tezliklə sağalması arzulanıb.
