İsrail rejimi qüvvələrinin Qüdsdəki əməli insanların qəzəbinə səbəb olub.

Az.rasthaber.com xəbər verir ki, İşğalçı güclər Qüdsdə fələstinli kişi və onun həyat yoldaşını saxlayıblar, onların azyaşlı uşaqlarını isə avtomobildə tək qoyublar.
Hadisə Fələstində həyata keçirilən kütləvi həbslərin fonunda baş verib.
Yayılan kadrlarda yol kənarında saxlanılmış maşın, onun içərisində isə iki balaca sərnişin - təxminən 3 yaşadək olan qız və onun 2-3 aylıq bacısı görünür.
Maşının yanından təsadüfi piyada keçərkən uşaqlar ağlayırdılar, 3 yaşlı qız isə ana və atasını çağırırdı.
Məlum olub ki, sionist qüvvələr fələstinli kişi və qadını naməlum istiqamətdə aparıblar.
Yardım gəlincəyə qədər körpələrin avtomobildə nə qədər zaman keçirdikləri isə bəlli deyil.