İsrailin hərbi kəşfiyyat PUA-ları Beyrutun səmasında uçuşlar həyata keçiriblər.

Az.rasthaber.com SalamNews-a istinadən xəbər verir ki, İsrailin PUA-ları və hərbi təyyarələri bu gün səhər Livanın paytaxtı Beyrutun səmasında, habelə Livan dağları üzərində uçuşlar həyata keçirib.

Livan hökuməti hava məkanının İsrail tərəfindən pozulması ilə bağlı BMT-nin bölgədəki sülhməramlı qüvvələri (UNIFIL) ilə təmasa çıxıb.

Qeyd edək ki, Livanın Məzar-Şəba və Kəfar-Şuba bölgələri İsrailin işğalındadır. Rəsmi Beyrut İsrailin ara-sıra Livanın hava məkanını pozmasına görə BMT-yə bir neçə dəfə şikayət edib.