Az.Rasthaber.com xəbər verir ki, işğal altındakı İordan çayının qərb sahilinin Cenin şəhərində sionist hərbçilər tərəfindən öldürülən fələstinlilərin sayı 6 nəfərə çatıb.

Fələstin Səhiyyə Nazirliyinin məlumatına görə, Cenin şəhərində bir gün əvvəl baş verən qarşıdurmalar zamanı yaralanan 48 yaşlı fələstinli Emjed Abu Jaas çərşənbə axşamı günü vəfat edib.

Əbu Jaasın oğlu, 22 yaşlı Vesim bu il yanvarın 26-da Cenində İsrail işğalçılarının qurbanı olub.

İsrail Müdafiə Qüvvələri (IDF) bir gün əvvəl Ceninə basqın zamanı Apaçi tipli helikopterlərdən istifadə edib.

Bundan əvvəl biri uşaq olmaqla 5 fələstinlinin öldüyü, 66 nəfərin yaralandığı barədə məlumat verilmişdi.

İşğalçı sionist orqanları «İsrail təhlükəsizlik qüvvələrinin» yeddi  üzvünün yaralanması barədə məlumat veriblər.