Qəzzada qırğınlar törədən sionist İsrail ordusu ilə bağlı daha bir dəhşətli həqiqət üzə çıxıb.
Az.rasthaber.com xəbər verir ki, sionist İsrailin "Haaretz" qəzeti bildirib ki, HƏMAS-ın oktyabrın 7-də blokadada olan Qəzza zolağının ətrafındakı yaşayış məntəqələrinə hücumu zamanı İsrail tankı "Be'eri" yəhudi qəsəbəsində israilli məhbusların olduğu evi atəşə tutub.
Qəzetin xəbərində bildirilib:
"Oktyabrın 7-də hücumların başlamasından saatlar sonra (İsrail) tankı, Həmas üzvlərinin girovlarla birlikdə gizləndiyi Beeridəki Pasi Koenin evini top atəşinə tutdu".
Hücum zamanı əraziyə çağırılan polis helikopterindən çəkilmiş və dünən axşam Kanal 12-nin yayımladığı videoya əsasən belə qənaətə gəlindiyi bildirilib.
Festivaldan qaçaraq bir evdə gizlənən Yasmin Porat əsgərlərdən birinin yanına gedərək güllələrin girovlara zərər verib-verməyəcəyini soruşduqda “Biz bunu ancaq divarları dağıtmaq üçün edirik” cavabını aldığını bildirib. Qonşularının əsir saxlandığı evin qarşısında əri ilə birlikdə gizlənən Hadas Daqan qonşularının evi hədəfə alınarkən qəlpə parçası ilə yaralandığını da qeyd edib.
Kanal 12-nin məlumatına görə, qəsəbədəki əsgərlər xəbərdarlıq olaraq helikopterdən atəş açıldığını və tanka dəydiyini, daha sonra başqa bir tankın gəlib evə atəş açdığını qeyd edib. Bundan əlavə, vertolyot qəsəbənin girişində toplaşan və hücumların başlanmasından xeyli vaxt keçməsinə baxmayaraq əraziyə daxil olmayan çoxlu sayda əsgəri aşkar edib.
Xəbərdə qəsəbədəki ehtiyatda olan şirkətdən Yair Avitalın bu sözləri də yer alıb: "500 əsgər çöldə dayanmışdı və heç kim vəziyyətə fikir vermirdi. İnsanlar hər dəqiqə qan itirirdi və kənarda dayanan ordu nə olduğunu başa düşə bilmirdi."
Qəzzada hücumlarını davam etdirən işğalçı İsrail ordusu keçən həftə Həmas qüvvələrini bəhanə edərək bir nöqtəyə basqın edərək, orada 3 israilli məhbusun “səhvən” öldürüldüyünü açıqlamışdı. Bu hadisə İsraildə böyük reaksiyalara səbəb olub.
