21.06.2021 14:13:52
Hücum zamanı 3 nəfər həyatını itirib, 4 nəfər isə yaralanıb.
Rasthaber Azərbaycan xəbər verir ki, İŞİD-in qalıntıları İraqın Diyalə əyalətinə bağlı əl-Əzim bölgəsində bir tayfa və Haşdi Şabi güclərinə hücum həyata keçirib.
Məlumata görə, hücum zamanı 3 nəfər həyatını itirib, 4 nəfər isə yaralanıb.
Terrorçular hücum zamanı ABŞ istehsalı olan M-16 snayperdən istifadə etdiyi dəqiqləşib.
İŞİD İraqda məğlub olmasına baxmayaraq, terrorçu qalıntıları ölkənin müxtəlif bölgələrində gizlənməkdə və ara-sıra terror aktları həyata keçirməkdədir.
Buna baxmayaraq demək olar hər gün İŞİD-ə qarşı əməliyyatlar həyata keçirilir və terrorun kökünün məhv edilməsi istiqamətində işlər davam edir.
