Bildirilib ki, sionist İsrail əsgərləri işğal altındakı İordan çayının qərb sahilində 5 fələstinlini qətlə yetirib, 4 nəfəri yaralayıb.
Az.rasthaber.com xəbər verir ki, Fələstin Səhiyyə Nazirliyindən verilən yazılı açıqlamada, işğalçı qüvvələrin İordan çayının qərb sahilinin Cenin şəhərində həyata keçirdiyi basqında şəhid sayının 4-ə yüksəldiyi bildirilib.
Bəyanatda sionist İsrail ordusunun basqın zamanı 4 fələstinlini yaraladığı bildirilib.
Nazirliyin digər bəyanatında İordan çayının qərb sahilinin əl-Bireh şəhərində bir fələstinlinin qətlə yetirilməsi ilə bağlı sionist hakimiyyət orqanlarından məlumat alındığı bildirilib.
Fələstinin rəsmi agentliyi WAFA İsrail ordusunun Cenin şəhərinə basqın edərək Şəhid Xəlil Süleyman Dövlət Xəstəxanası (Cenin Dövlət Xəstəxanası), İbn Sina Xəstəxanası, Fələstin Qızıl Aypara Mərkəzi və Cenin Qaçqınlar Düşərgəsini mühasirəyə aldığını açıqlayıb.
Xəbərdə işğal rejimi əsgərlərinin Cenin Dövlət Xəstəxanasının ətrafına atəş açması nəticəsində 3 fələstinli gəncin yaralandığı bildirilib.
Fələstin Səhiyyə Nazirliyinin məlumatına görə, oktyabrın 7-dən bəri işğal altındakı İordan çayının qərb sahili və Qüdsdə İsrail qüvvələri və məskunlaşmaçı dəstələrinin hücumları nəticəsində həyatını itirən fələstinlilərin sayı 237-yə yüksəlib.
