Rasthaber Azərbaycan xəbər verir ki, Səlahəddin və Diyalə vilayətlərindəki təhlükəsizlik mənbələrindən alınan məlumata görə, Səlahəddin vilayətinə bağlı Samirra şəhərində Haşdi Şabiyə məxsus nəzarət nöqtəsinə iki ayrı partlayıcı yüklənmiş avtomobil ilə kamikadze hücumu həyata keçirilib.

Məlumata görə, hücum zamanı 11 Haşdi Şabi üzvü dünyasını dəyişib.

Səlahəddinə bağlı Sarkat rayonunda məktəb yaxınlığında baş vermiş terror aktında isə 3 uşaq ölüb.

Diyalə vilayətinin cənubunda Behrez bölgəsində partlayıcı quraşdırılan motosikletin partlaması ilə bir nəfərin öldüyü, iki nəfərin isə yaralandığı bildirilir.

Hücumu heç bir qruplaşma öz üzərinə götürməsə də, güc strukturları hücumun İŞİD tərəfindən törədildiyini önə çəkirlər.