İki dəfə ABŞ-ın müdafiə naziri – Pentaqon rəhbəri olmuş Donald Ramsfeld 88 yaşında ölüb

Rasthaber Azərbaycan Sputnik-ə istinadən xəbər verir ki, məlumatı Ramsfeldin yaxınları da təsdiqləyib.

Qeyd olunur ki, Donald Ramsfeld Nyu-Meksika ştatının Taos şəhərində vəfat edib. Sabiq Pentaqon rəhbəri ağır xəstəlikdən vəfat edib, o çoxsaylı mielomadan əziyyət çəkirmiş. Ramsfeld iki dəfə ABŞ-ın müdafiə naziri olub.

O, ilk dəfə - 1975-1977-ci illərdə ABŞ Prezidenti Cerald Fordun Administrasiyasında, ikinci dəfə isə 2001-2006-cı illərdə oğul Corc Buşun Administrasiyasında Pentaqon rəhbəri olub.

Ramsfeld 11 sentyabr 2001-ci il terror aktlarında sonra Əfqanıstan və İraqda keçirilən hərbi əməliyyatların müəllifi kimi tanınır.