Suriyada artan qeyri-sabitlik və etibarsızlıq İŞİD-in xüsusilə İraqdakı fəaliyyətləri ilə bağlı narahatlıqları artırıb.

Az.rasthaber.com xəbər verir ki, Əl-Maluma xəbər agentliyinin məlumatına görə, Suriyadakı siyasi və hərbi vəziyyətdən istifadə edərək İŞİD ünsürlərinin meydanda hərəkətliliyi daha da güclənib. İraq rəsmiləri son günlər Suriyanın şərqindəki həbsxanalardan terrorçu liderlərin qaçması və İŞİD-in yenidən hakimiyyəti ələ keçirməsi ehtimalı ilə bağlı məlumat aldığını bildirərək, narahatlıqlarını ifadə ediblər.

Bədr Hərəkatının rəsmilərindən Mahmud əl-Heyani İŞİD üzvlərinin üsullarını dəyişdiklərini və internet vasitəsilə İraqdan terrorçuları cəlb etdiklərini açıqlayıb.

Heyani əlavə edib ki, bir neçə gün əvvəl Fəllucədə İŞİD-in yazıları və bayraqları görülüb və təhlükəsizlik qüvvələri bu hadisələrlə əlaqəli terrorçuları saxlayıblar.

Heyani İŞİD-in yeraltı qruplaşmalarının yenidən dirçəlməsi ilə bağlı ciddi narahatlıqların olduğunu da vurğulayıb.