İran İslam İnqilab Keşikçiləri Ordusunun sözçüsü, “Böyük Peyğəmbər (s) 19 adlı hərbi manevr zamanı İranın yeni yeraltı “Raket və Pua Şəhəri” təqdim ediləcək.

Az.rasthaber.com xəbər verir ki, İran İslam İnqilab Keşikçiləri Ordusunun sözçüsü general Əli Məhəmməd Naini dünən verdiyi açıqlamada, "İranın yeni yeraltı "Raket və PUA Şəhəri" Böyük Peyğəmbər (s) 19 adlı hərbi təlim zamanı təqdim ediləcək" dedi.

Dəniz Qüvvələrinin 2021-ci ildə qurduğu yeni yeraltı “raket şəhəri” İnqilab Keşikçiləri Korpusunun Baş Komandanı, general-mayor Hüseyn Selaminin də qatıldığı mərasimdə təqdim edilib.

Raket şəhəri bir çox müdafiə sistemlərini və müxtəlif diapazonlu qanadlı və ballistik raketləri ehtiva edir.

İnqilab Keşikçiləri Korpusu İranın Fars körfəzi xətti boyunca inşa etdiyi yeraltı raket şəhərlərinin “düşmənlərin kabusu” olacağını elan etmişdi.