İranda ötən sutka ərzində 213 nəfər koronavirusdan (COVID-19) ölüb.

Rasthaber Azərbaycan Trend-ə istinadlı məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib. Bu barədə Trend nazirliyə istinadən məlumat verib.

S.Sadat Larinin sözlərinə görə, bununla da İranda bu virusdan ölənlərin sayı 52 883 nəfərə çatıb.

Nazirlik rəsmisi deyib ki, İranda ötən 24 saat ərzində 7 603 nəfər koronavirusa yoluxub. Beləliklə İranda bu virusa yoluxanların sayı 1 131 077 nəfərə yüksəlib. Virus daşıyıcılarından 5 678 nəfərin vəziyyəti ağır qiymətləndirilir.