İranın Xuzestan əyalətinin Abadan şəhərində 10 mərtəbəli binanın çökməsi nəticəsində ölənlərin sayı altıya çatıb.

Az.rasthaber.com SalamNews-a istinadən xəbər verir ki, Abadanda 10 mərtəbəli ticarət binasının çökməsi nəticəsində onlarla insan dağıntıların altında qalıb.

Bəzi mənbələr təqribən 80-ə yaxın insanın dağıntılar altında qaldığını bildirirlər.

Səhiyyə mənbələri indiyə kimi altı nəfərin öldüyü və 26 nəfərin yaralandığını açıqlayıblar.

Dağıntılar altında qalanların çıxarılması üçün xilasetmə işləri davam edir.

Məluamata görə, ticarət binasının sahibi və tikilişə icazə verən qurumun aidiyyatı məsul şəxsləri də saxlanılıb.