İran və Rusiya Cənubi Asiyanı Şimali Avropa ilə birləşdirən Şimal-Cənub dəmir yolu xəttinin tamamlanması üçün Rəşt-Astara dəmir yolunun tikintisinə dair saziş imzalayıblar.

Az.rasthaber.com xəbər verir ki, bu saziş bu gün, çərşənbə günü İran prezidenti Seyid İbrahim Rəisi və Rusiya prezidenti Vladimir Putinin iki ölkə nümayəndələri arasında çıxışından sonra imzalanıb.

Bu müqaviləyə əsasən, Rusiya Federasiyası bu dəmir yoluna 1,6 milyard avro sərmayə qoyacaq.

Bu strateji dəmir yolu xəttinin 48 aya çəkilməsi planlaşdırılır.

Şimal-Cənub dəmir yolu Cənubi Asiyadan Şimali Avropaya iyirmi ildən artıqdır tikintisi davam edən əsas yük tranzit marşrutlarından biridir.