İranın Cenevrədəki səfiri və beynəlxalq təşkilatlardakı nümayəndəsi Qəzzanın “Nasir” xəstəxanasında kütləvi məzarlığın aşkarlanmasından sonra Beynəlxalq Qızıl Xaç Komitəsi və BMT-nin İnsan Haqları üzrə Ali Komissarlığına ünvanladığı məktubda, Fələstin xalqına qarşı İsrailin soyqırım cinayətinin dayandırılmasını və təcili beynəlxalq tədbirlər görülməsini tələb edib.

"İsrail beynəlxalq humanitar qanunları pozmaqla yanaşı, beynəlxalq insan haqlarını da pozub. İsrail rejiminə bir işğalçı dövlət kimi Fələstin xalqının öz müqəddəratını təyinetmə hüququnu həyata keçirməsinin qarşısını almaq üçün güc tətbiq etmək qadağandır. (Birləşmiş Millətlər Təşkilatının 2625 saylı qətnaməsi). Digər tərəfdən, mövcud sübutlar göstərir ki, İsrail rejimi Aparteid Konvensiyasının A, C, D bəndlərinə və 2-ci maddəsinə zidd olaraq qeyri-insani hərəkətlər törətməkdə məsuliyyət daşıyır.