İran İslam İnqilabı Keşikçiləri Korpusunun Quru Qoşunlarının müxtəlif qollarına məxsus çoxlu sayda raket, pilotsuz uçan aparat, artilleriya və müdafiə ləvazimatları çərşənbə günü Silahlı Qüvvələrin Baş Qərargah rəisi general-mayor Baqirinin iştirakı ilə “Böyük Peyğəmbər (s) 19” təlimi çərçivəsində nümayiş etdirilib və qüvvələr təşkilatına əlavə edilib.
Az.rasthaber.com IRNA-ya istinadən xəbər verir ki, SEPAH Quru Qoşunları komandanının müavini təlim çərçivəsində ölkənin Quru Qoşunlarına çoxlu sayda texnikanın əlavə edilməsi haqda danışıb.
“Bu avadanlıqların tədqiqat və sənaye sınaqları həyata keçirilmişdir”, – deyə o qeyd edib.
General-mayor Əli Kuhistani bu silahların döyüş bölgələrində məhdud sahə dəyərləndirməsindən keçirildiyini bildirərək əlavə edib: “Bu gün bu texnika Quru Qoşunlarının döyüş təşkilatına kütləvi şəkildə daxil olub və qüvvələrin imkanlarının artırılmasında əsas rol oynayacaq”.
“200 kilometr mənzilli BM450 orta mənzilli ballistik raket, Fateh 360 raketi və dəqiq təyin etmə qabiliyyətinə malik Fəcr 5 idarə olunan raketi bu gün SEPAH-ın Quru Qoşunlarına əlavə edilən avadanlıqlar sırasındadır” – o bəyan edib.
SEPAH-ın Quru Qoşunlarının Hazırlıq və Dəstək komandanının müavini bildirib: “Ağıllı 122 mm-lik idarə olunan raketlər, minaatan 122 mm-lik raketlər və “Məcid” qısa mənzilli müdafiə sistemi bu gün Quru Quşunların döyüş təşkilatına əlavə edilən digər avadanlıqlar sırasındadır”.
General-mayor Kuhistani qeyd edib ki, gücləndirilmiş mühərriklərə malik strateji İHA Mühacir-10 və Mühacir-6 və reaktiv və porşen mühərrikləri ilə müxtəlif uçuş məsafələri və uçuş hündürlükləri və fərqli partlayıcı döyüş başlığı gücü ilə müxtəlif yerli intihar PUA-ları bu gün təqdim edilən və quru qoşunlarına əlavə edilən avadanlıqların bir hissəsidir.
