İran Məhkəmə Hakimiyyətinin sözçüsü Zebihullah Hudaiyan mətbuat konfransında Şəhid general Qasım Süleymaninin öldürülməsi ilə bağlı məhkəmə sənədləri ilə bağlı açıqlama verib.
Rasthaber Azərbaycan xəbər verir ki, o keçən il həmin məhkəmə prosesinin Məhkəmə Başçısının İraqa səfəri zamanı İranla İraq ədliyyəsi arasında anlaşma memorandumu imzalandığını bildirib.
Bu anlaşma memorandumunda hər iki yurisdiksiyanın bu işlə bağlı səlahiyyətləri olduğu və istintaqda bir -birləri ilə əməkdaşlıq etmələri lazım olduğu ifadə edilib.
Zebihullah Hudaiyanın sözlərinə görə, bu qətldə əli olan təxminən 45 ABŞ rəsmisi axtarılır. Bir neçə İraqlı bu insanlarla əməkdaşlıq edib.
"Bu işdə ABŞ müttəhimlərinin ünvanına, beynəlxalq və diplomatik standartlara uyğun olaraq 60 gün ərzində müdafiə olunmaları üçün bir elan göndərilib. Bu insanların ədalət mühakiməsinə çıxarılacağına dair bir çox dəlil toplandı və İraq bu mövzuda əməkdaşlıq etdi.", -deyə İran Məhkəmə Hakimiyyətinin sözçüsü Zebihullah Hudaiyan qeyd edib.
Qeyd edək ki, iranlı general Qasım Süleymani və "Haşdi Şabi" könüllülərinin komandan müavini Əbu Mehdi əl-Mühəndis 3 yanvar 2020-ci ildə ABŞ-ın Bağdad Hava Limanında təşkil etdiyi terror hücumunda qətlə yetiriliblər.
