İranın BMT-dəki daimi nümayəndəsi Səid İrəvani, təşkilatın Baş katibinə və Təhlükəsizlik Şurasının sədrinə ünvanladığı rəsmi məktubda, İsrail rejiminin Tehrandakı Evin həbsxanasına etdiyi hücumun təcili və ciddi şəkildə araşdırılmasını tələb edib.
Az.rasthaber.com xəbər verir ki, iranlı diplomat qeyd edib ki, bu hücum mülki və tanınmış bir həbsxananı hədəf alaraq beynəlxalq humanitar hüququn, insan hüquqları normasının və BMT Nizamnaməsinin əsas prinsiplərinin açıq-aşkar və kobud şəkildə pozulmasıdır.
Məktubda deyilir: “Bu hücum 23 iyun 2025-ci il tarixində yerli vaxtla saat 10:30-da baş vermiş və qəsdən həyata keçirilmiş qeyri-qanuni bir hərəkətdir. İranın suverenliyi və ərazi bütövlüyünə qarşı əvvəldən planlaşdırılmış, genişmiqyaslı və əsassız təcavüzlərin davamıdır.”
İrəvani əlavə edib ki, bu dəhşətli və vəhşicəsinə törədilən cinayətin ağırlığı nəzərə alınaraq, İran İslam Respublikası BMT Təhlükəsizlik Şurası və Baş katibdən bu hərəkəti ciddi şəkildə pisləməyi, beynəlxalq hüquqa əsasən bu cinayətlərin sahiblərini müharibə və insanlığa qarşı cinayətlərə görə cavabdeh etməli və gələcəkdə bu cür hücumların qarşısını almaq üçün zəruri tədbirlər görməyi tələb edir.
