Xarici İşlər Nazirliyinin mətbuat katibi ABŞ və Fransa prezidentlərinin bir hissəsində İran İslam Respublikasına qarşı əsassız və qəbuledilməz ittihamların irəli sürülən birgə bəyanatını (yol xəritəsi) pisləyib və bunu rədd edib.
Az.rasthaber.com xəbər verir ki, Nasir Kənani bu bəyanatın anti-İran məzmununu əsassız və siyasi məqsəd və motivlərə malik olduğunu və əvvəlki uğursuz siyasətlərin davamı hesab edib.
Diplomatik agentliyin sözçüsü əlavə edib: “Dəfələrlə dediyimiz kimi, İran İslam Respublikası Atom Enerjisi Beynəlxalq Agentlik ilə beynəlxalq hüquq və öhdəliklər çərçivəsində və Nüvə Silahlarının Yayılmaması Müqaviləsi və Qorunma Müqaviləsinə əsaslanan texniki əməkdaşlığa sadiqdir.”
“İran İslam Respublikasının regionda və dünyada sabitlik və təhlükəsizliyin bərqərar olması və möhkəmləndirilməsində, beynəlxalq təhlükəsizliyin gücləndirilməsi üçün terrorçu qruplara qarşı mübarizədə məlum rolu danılmazdır” - deyə, o, qeyd edib.
Kənani bildirib: “Həmçinin, Ukraynada münaqişənin başlanğıcından indiyə qədər İran İslam Respublikasının prinsipial və aydın siyasəti həmişə iki tərəf arasındakı fikir ayrılıqlarının siyasi yolla həllinə dəstək vermək üzərində qurulub.”
İran XİN-nin sözçüsü deyib: “Səkkiz ayda 15 min uşaq və minlərlə fələstinli qadını qətlə yetirən uşaq qatili İsrail rejiminin tərəfdarlarının, İsrail rejiminin hərbi cinayətlərinə etiraz edən tələbələrə və vətəndaşlara zülm edənlərin özlərinə başqalarına əxlaq və insan hüquqlarını öyrətməyə icazə vermələri çox gülüncdür.”
