İranın rəsmi Fars Xəbər Agentliyi ölkədəki sui-qəsdlərdə əli olduğunu iddia etdiyi 5 İsrailli kəşfiyyat və texnologiya mütəxəssisinin adlarını və məlumatlarını dərc edib.

Az.rasthaber.com xəbər verir ki, yayımlanan xəbərlərdə sözügedən şəxslərə aid olduğu iddia edilən iş sahələri və nə qədər müddətdir bu işlə məşğul olduqları barədə məlumatlar verilib.

Sözügedən 5 israillinin “gecə-gündüz yaxından izlənildiyi” bildirilən xəbərdə digər şəxslərin də izlənildiyi və məlumatlarının paylaşıla biləcəyi iddia edilib.

Fars Xəbər Agentliyi "Gizli yaşamalı olan sionistlər" başlıqlı xəbərində "rejimin (İsrailin) bəzi daxili və digər təhlükəsizlik qaynaqlarının" məlumatlarının əldə edildiyini və bu 5 nəfərin "İslam ölkələri və İslam müqaviməti fəallarına qarşı təxribat və sui-qəsdlərdə iştirak etdiyini" iddia edib.

Həmin şəxslərin “ailə üzvlərinə, foto və videolara, ev və iş ünvanlarına, nəqliyyatda getdikləri yollara, sabit və mobil telefon nömrələrinə, poçt qutularına və digər məlumatlara” da daxil olduğu bildirilib.

Xəbərdə sözügedən 5 israillinin adları və vəzifələri belə qeyd edilib:

"İsrail Müdafiə Qüvvələrinin (IDF) Kəşfiyyat İdarəsinin keçmiş rəhbəri Amos Malka, kibertəhlükəsizlik üzrə ekspert Amir Levental, İDF-nin 8200 kəşfiyyat bölməsinin keçmiş yüksək rütbəli zabiti Qal Qanot, həmçinin keçmiş 8200 zabiti və texnologiya üzrə icraçı İnbal Ariel ilə digər bir kiber mütəxəssis Amit Meltzer."

Xəbərdə həmçinin iddia edilib ki, Fars Xəbər Agentliyi əvvəllər İsraildə bir “yüksək rütbəli məmur” haqqında bəzi məlumatlar dərc edib, sonra isə bu şəxs evini, ofisini və digər məlumatlarını dəyişdirib.

İsrail mətbuatı isə bu məlumatın dərcindən sonra "sözügedən şəxslər Tehran rəhbərliyinin hədəfində ola bilər" şərhini verib.

Yayımlanan xəbərlərdə sözügedən şəxslərə aid olduğu iddia edilən iş sahələri və nə qədər müddətdir bu işlə məşğul olduqları barədə məlumatlar verilib.