İranın Qida və Dərman İdarəsinin sədri İranın koronavirusun müalicəsində istifadə edəcək dərmanın istehsalı haqqında açıqlama verib.

Rasthaber Azərbaycan xəbər verir ki, İranın Qida və Dərman İdarəsinin sədri Məhəmməd Rza Şanesaz İranın koronavirusun müalicəsində istifadə edəcək dərmanın istehsalı haqqında açıqlama verib.

“Bu dərmanların istehsalı üçün xammaddələr dünən ölkəyə gətirildi.”, - deyən İranın Qida və Dərman İdarəsi sədri dərmanların koronavirus xəstələrinin müalicəsində istifadə olunacağını bildirib.

Dərmanların bir həftə ilə 10 gün içində istehsalına başlanacağını önə çəkən Məhəmməd Rza Şanesaz qeyd edib ki, tamamilə İran istehsalı olacaq dərmanların istehsalı üçün dünən icazə alınıb və satışa çıxarılmaqla yanaşı, paylanılması da gündəmdədir.