İslam İnqilabının Rəhbəri İmam Mehdinin mövlud günü münasibətilı telekanallar vasitəsilə çıxış edib.

İslam İnqilabının rəhbəri Ayətullah Xamenei bu gün, Qaimi Ali-Muhəmməd(əc)-in səadətli mövludunun ildönümü günündə canlı televiziya çıxışında Həzrət Vəliyyi Əsr(əc)-in mövludu münasibətilə İran xalqını, müsəlmanları və dünyadakı bütün azadlıqsevərləri təbrik edərək, elm, ağıl və təcrübəni böyük ilahi nemətlərdən və bir çox problemin həllediciləri adlandırıb.

“Elm və ağıl indiyədək sübut olunduğu kimi ədalətsizlik düyününü aça bilməz və bəşəriyyətin bu həmişəlik arzusunun həyata keçməsi ilahi qüdrət əlinə ehtiyaclıdır və elə buna görə, Həzrət Bəqiyyətullahuləzəmin böyük tapşırığı, yeri ədalətlə doldurmaqdır.”, -deyə Ayətullah Xamenei əlavə edib.

İslam İnqilabının Rəhbəri dünyada koronavirus xəstəliyindən irəli gələn vəziyyətə və bu məsələnin hökumətlər və xalqlar üçün qəribə, ümumi bir sınaq olmasına işarə edərək deyib: “Açılışın intizarı, şiddətdən sonra açılış mənasını da verir. Buna görə, intizar çəkən insan bu hadisədən məyus olub, təlatümə düşmür və öz sakitliyini qoruyaraq, bilir ki, bu vəziyyət şübhəsiz, dəyişəcəkdir.”

Ayətullah Xamenei Qərb dünyasının koronavirus macərasındakı rəftarı və fəaliyyətini də xatırladıb.

İslam İnqilabı lideri həmçinin bəzi Avropa ölkələri və Amerika tərəfindən digər ölkələrin maska və əlcəklərinin müsadirə edilməsi, koronavirusdan qorxuya görə, şəxslərin intihar etmələri, yaşlı xəstələrin müalicə olunmamaları, insanların silah almaq üçün növbəyə dayanmaları, satış mərkəzlərinə hücum çəkərək, bir neçə tualet dəsmalı üçün bir-birilərinin canlarına düşmələri və rəfləri boşaltmaları kimi nümunələri sadalayaraq, deyib: “Bu macərada Qərb mədəniyyəti və sivilizasiyası öz məhsulunu göstərdi ki, bu, fərdiyyətçiliyə, materializmə və ateizmə söykənən Qərb sivilizasiyasına hakim kəsilmiş fəlsəfənin təbii nəticəsidir.”

Ayətullah Xamenei 1-ci və 2-ci dünya müharibələri, Vyetnam müharibəsi və Amerikanın Əfqanıstana və İraqa olmuş hücumlarını ötən illərin mühüm və böyük hadisələrindən adlandıraraq deyib: “Koronavirus hadisəsi dünya güclülərinin Fələstin və Yəmən xalqları daxil olmaqla müxtəlif millətlərə qarşı zülm və zalımlıqlarından qəflətə qapılmaya səbəb olmamalıdır. Həmçinin zalım qüvvələrin fitnələri və düşmənçiklərindən qəflətə qapılmaq olmaz. Zira “əgər biz düşmənçilik etməsək, onlar da düşmənçilik etməzlər” deyən bəzilərinin təsəvvürlərinin əksinə olaraq, imperializmin düşmənçiliyi İslam Respublikası və dini demokratiya prinsipi ilədir.”