Misir dünən səhər saatlarında başlayan humanitar fasilənin ilk günündə mühasirə altındakı Qəzza zolağına 200 yük maşını humanitar yardımın daxil olduğunu bildirib.

Az.rasthaber.com xəbər verir ki, humanitar yardımla yanaşı, Qəzzaya 2 təcili tibbi yardım maşını, İordaniyanın göndərdiyi səhra xəstəxanasına aid 15 və Birləşmiş Ərəb Əmirliklərinin göndərdiyi 11 yük maşınının daxil olduğu bildirilib.
Məlumatda Qəzzadan 17 yaralının Misirə aparıldığı, bunlardan 12 nəfərin Türkiye və BƏƏ-yə göndərildiyi vurğulanıb.
Məlumatda həmçinin İsrailin oktyabrın 7-də başlayan hücumları nəticəsində Misirdə qapalı qalan 134 fələstinlinin könüllü olaraq Qəzza zolağına qayıtdığı qeyd olunub.