General Leytenant Əmirəli Hacızadə bu haqda deyib
Rasthaber Azərbaycan İran mediasına istinadən xəbər verir ki, İranın İnqilab Keşikçilər Korpusu - SEPAH-ın aerokosmika qüvvələrinin komandanı General Leytenant Əmirəli Hacızadə İranın son hərbi peykinin orbitdə uğurla yerləşdirilməsini bildirib.
Onun sözlərinə görə, peyk atıldıqdan sonra ilk dəqiqələrdə Zahidan və Çabahar stansiyalarından siqnal alınıb.
İran İslam Respublikasının ilk hərbi peyki olan "Nur" peyki bu gün səhər 3 etaplı "Qasid" peyk dayşıyıcısı vasitəsi ilə İranın mərkəzi səhrasından yer kürəsinin 425 km orbitində yerləşdirilib.
General Leytenant Əmirəli Hacızadə İRİB-ə deyib: "Peykin yer kürəsinin ətrafına firlanmasından 90 dəqiqə sonra Nur peykinin siqnalı təkrar İranın şimal qərbində qeydə alınıb. "
