HƏMAS bəyan edib ki, sionist İsrail Qəzzanın şimalına humanitar yardımların koordinasiyasına cavabdeh olan podpolkovnik Fayik əl-Məbhuhu öldürərək xaos yaratmağa çalışıb.

Az.rasthaber.com xəbər verir ki, HƏMAS-ın verdiyi yazılı açıqlamada Mebhuhun öldürülməsinin humanitar yardımın Qəzzanın şimalına çatmasından sonra reallaşdığı vurğulanıb.

Açıqlamaya görə, sui-qəsdin məqsədi yardımların təhlükəsiz şəkildə xalqa çatmasının qarşısını almaq olub.

Beynəlxalq humanitar hüquq çərçivəsində qorunan gizli polis məmurunu hədəf alan terror cinayəti nasist düşmənin xaos yaymaq, Qəzzada sosial sülhü pozmaq və aclığı davam etdirmək cəhdinin sübutudur.

Bəyanatda bildirilib ki, Fələstin xalqı və təhlükəsizlik qüvvələri düşmənin çirkin planlarına zərbə vurmağa və Fələstin cəmiyyətində xaos yaratmaq cəhdlərinə qalib gəlməyə davam edəcəklər.

Qəzza hökumətinin Media Bürosu daha əvvəl İsrailin UNRWA və qəbilələr arasında humanitar yardım əməliyyatlarını koordinasiya edən Fayik əl-Məbhuha sui-qəsd təşkil etdiyini açıqlamışdı.