HƏMAS bildirib ki, sionist İsrailin Qəzzadakı Əl-Əhli Baptist Xəstəxanasının hərbi məqsədlər üçün istifadə edildiyinə dair iddiaları günahsız mülki əhali və xəstəxanalara qarşı cinayətlərinə haqq qazandırmaq üçün istifadə edilən saxta bəhanədir.
Az.rasthaber.com xəbər verir ki, Həmas yazılı açıqlamada, sionist İsrailin xəstəxananı bombalaması ilə göstərdiyi "vəhşi" davranışın dünya ictimai rəyi və beynəlxalq ədalətin xırdalanması anlamına gəldiyini və beynəlxalq ictimaiyyətin buna qarşı ciddi mövqe sərgiləməli olduğunu bildirib.
"İsrail bütün humanitar qanunlara və normalara məhəl qoymamağa, xəstəxanaların müqəddəsliyini pozmağa və Qəzzada dinc əhalinin qanını tökməyə davam edir. Hər bir vəhşi cinayət və ya qırğından sonra heç bir sübuta əsaslanmayan saxta əsaslandırma təklif edir", - bəyanatda deyilir.
Bəyanatda həmçinin sionist İsrailin Qəzzada davam edən soyqırımı çərçivəsində törətdiyi qanun pozuntularını üzə çıxarmaq üçün müstəqil beynəlxalq təhqiqat komitəsinin yaradılması tələb olunub.
Soyqırım törədən İsrail ordusu Qəzza şəhərində Əl-Əhli Baptist Xəstəxanasına hava zərbəsi endirib.
Hava hücumu həmçinin Əl-Əhli Baptist Xəstəxanasında cərrahi əməliyyatlar binasına və reanimasiya xəstələri üçün yaradılmış tibbi oksigen istehsalı stansiyasına da endirilib.
