Həmas, Birləşmiş Millətlər Təşkilatının Təhlükəsizlik Şurasının (BMT TŞ) Qəzzaya genişləndirilmiş humanitar yardımların fasiləsiz və təhlükəsiz çıxışı üçün “təcili addımlar” atılmasını tələb edən qətnamə layihəsini qeyri-kafi addım kimi qiymətləndirib.

Az.rasthaber.com xəbər verir ki, HƏMAS-ın verdiyi bəyanatda onlar BMT Təhlükəsizlik Şurasının Qəzzada davam edən “soyqırım” müharibəsini dayandırmaq üçün qərar qəbul etməməsindən narazılıqlarını ifadə edib:

“Qəbul edilmiş 2722 saylı qərar qeyri-kafi addımdır və Qəzzada hərbi terror maşınının törətdiyi fəlakətlə mübarizə aparacaq səviyyədə deyil”.

Açıqlamada ABŞ-ın İsrailin Qəzzada qan və dağıntıları davam etdirməsinə imkan yaradan qətnamə layihəsinin boşaldılmasına və zəif formatda qəbul edilməsinə səbəb olduğu bildirilib.

HƏMAS-ın açıqlamasında qeyd olunub ki, BMT Təhlükəsizlik Şurası İsraili aclıq siyasətinə və hər gün törədilən qırğınlara məruz qalan şimalı başda olmaqla Qəzzanın bütün hissələrinə kifayət qədər yardımın daxil olmasına icazə verməyə məcbur etməlidir.