Malidəki hərbi bazanın minaatandan atəşə tutulması nəticəsində Fransa hərbi qulluqçusu Aleksandr Marten ölüb.

Az.rasthaber.com xarici mediaya istinadən xəbər verir ki, həmçinin daha 9 fransalı hərbçi də yaralanıb.

Onlar Fransanın bu ölkədə keçirdiyi "Barxan" əməliyyatında iştirak edirlər.

Hadisə ötən gün Malinin şimalında Qao rayonunda baş verib.

Qeyd edək ki, Fransa Malidə 2013-cü ildən bəri hərbi əməliyyatlar keçirir. İndiyədək bu əməliyyatlar nəticəsində 53 fransalı hərbçi ölüb.

Rəsmi Fransa bu ölkədəki əməliyyatda iştirak edən hərbçilərin sayını 2 500 - 3 000-dək azaltmaq istəyir.