Fələstinin İnformasiya naziri və Prezidentin sözçüsü Nabil Əbu Rudeyne ABŞ-ın İsrailə verdiyi təhlükəsizlik dəstəyinin təhlükəni artıraraq müharibənin əhatəsini genişləndirmək üçün yaşıl işıq yandırdığını vurğulayıb.
Az.rasthaber.com xəbər verir ki, Fələstin Dövləti Prezidentinin sözçüsü Rudeyne, ABŞ Nümayəndələr Palatasının İsrailə 26 milyard dollar dəyərində hərbi yardımı Fələstinin xəbər agentliyi WAFA-ya şərh edərkən deyib:
"ABŞ-ın İsrailə təhlükəsizlik dəstəyi Fələstin xalqına qarşı hücumdur və təhlükəni artıran bir inkişafdır. Bu addım İsrailə müharibəni regionun bütün ölkələrinə genişləndirmək üçün yaşıl işıq yandırdı.".
Bölgədə və dünyada sabitliyə gedən yolun Fələstində sabitliyin təmin edilməsindən keçdiyini vurğulayan Rudeyne ABŞ-ın Yaxın Şərq regionunda təhlükəsizlik və sabitlik üçün İsrailə dəstəyini pisləyib.
ABŞ-ın Qəzza zolağında Fələstin xalqına qarşı törədilən bütün cinayətlərə görə məsuliyyət daşıyan işğalçı dövlətin ifrat sağçı hökumətini dəstəklədiyini ifadə edən Rudeyne deyib:
"ABŞ İsraili dəstəkləsə də, İordan çayının qərb sahilində hücumlar üçüncü gündür davam edir. İnfrastrukturun tamamilə dağıldığı Tulkərmdə 13-dən çox vətəndaş həlak olub. ABŞ bu hücumları həyata keçirən işğalçıya dəstək versə də, Fələstinli qaçqınlara yardım edən Birləşmiş Millətlər Təşkilatına bağlı qurumlara dəstəyi dayandırıb.".
