FIFA cinayətkar İsrail rejimi millisinin və klublarının beynəlxalq turnirlərdə iştirakının qadağan edilməsi ilə bağlı qərarının təxirə salındığını açıqlayıb.
Beləliklə, işğalçı İsrail rejiminin kişilərdən ibarət millisi Parisdə keçiriləcək Yay Olimpiya Oyunlarında iştirak edə biləcək. Bundan əvvəl bir neçə ölkə tərəfindən FIFA-dan Qəzzadakı əməliyyatlara görə bütün İsrail təmsilçilərinin beynəlxalq yarışlardan diskvalifikasiya olunması tələb edilmişdi.
Qeyd edək ki, Paris olimpiadasında kişilər arasında keçiriləcək futbol turnirinə iyulun 24-də start veriləcək. Sionist rejim yığması qrupda Mali, Paraqvay və Yaponiya komandaları ilə qarşılaşacaq.