Ermənistan silahlı qüvvələrinin təcavüzkar siyasəti nəticəsində Gəncə şəhərində mülki əhaliyə dəymiş ziyanın hesablanmasına başlanılıb.

Az.rasthaber.com xəbər verir ki, bu barədə Gəncə şəhər üzrə İşçi Qrupunun rəhbəri Ədalət Əliyev məlumat verib.

Onun sözlərinə görə, Gəncə şəhərində 2 000-dən çox fərdi yaşayış evinə və mənzilə, həmçinin 200-dən çox obyektə və çox sayda avtomobilə zərər dəyib: "Hazırda monitorinq aparılır, hesablanma işləri görülür".

Qeyd edək ki, Azərbaycan Ordusunun sentyabrın 27-də başlatdığı sülhə məcburetmə əməliyyatı noyabrın 10-da zəfərlə başa çatıb.